Elordada Táýelsiz Qazaqstan dıplomatııasynyń tarıhyna arnalǵan kitaptyń tusaýkeseri ótti

ASTANA. 6 naýryz. QazAqparat - Búgin elordadaǵy Ulttyq kitaphanada «Qazaqstan halyqaralyq qaýymdastyqta (jan-jaqty dıplomatııa ocherkteri)» atty kitaptyń tanystyrylymy boldy.

Týyndy QR Prezıdentiniń kómekshisi Erjan Qazyhanovtyń redaktsııalaýymen jaryq kórgen.

Kitapta Táýelsizdiktiń 20 jyly ishindegi Qazaqstannyń jan-jaqty dıplomatııasy damýynyń basty baǵyt-baǵdarlary, negizgi halyqaralyq jáne óńirlik uıymdardaǵy bizdiń elimizdiń qyzmeti, Memleket basshysy N.Nazarbaevtyń beıbitshilikti alǵa jeteleý men jahandyq qaýipsizdikti nyǵaıtý bastamalarynyń róli egjeı-tegjeıli ashylyp kórsetilgen.

Tusaýkeser rásimine memlekettik organdarynyń, bilim berý mekemeleriniń, Qazaqstanda tirkelgen halyqaralyq uıymdardyń, QR Syrtqy ister mınıstrliginiń ókilderi qatysty.