Elordada taýarlar boıynsha úshinshi toqsanda birshama ósim boldy
ASTANA. QazAqparat - Astanada taýarlar boıynsha úshinshi toqsanda birshama ósim boldy. Bul týraly búgin Ortalyq kommýnıkatsııalar qyzmetindegi baspasóz máslıhatynda Astana ákiminiń orynbasary Andreı Lýkın málim etti.
Onyń sózine qaraǵanda, statıstıka organdarynyń málimetterine sáıkes, jyl basynan beri qala boıynsha taýarlardyń bólek túrlerine jalpy 10 paıyzǵa jýyq ósim baıqaldy. Áleýmettik mańyzdaǵy taýarlarǵa ortasha alǵanda bes paıyzǵa joǵarylady. Qazaqstan Úkimeti áleýmettik mańyzdaǵy azyq-túlik taýarlaryna bólshek baǵalardy bekitken shekti mánmen salystyrǵanda, Astana boıynsha bıylǵy úshinshi toqsanda 18 pozıtsııada birshama ósim baıqalyp, olar 5- ten 10 paıyzǵa deıin aýytqý boldy. Qalǵan ónimderdiń 15-ten astam túri boıynsha baǵanyń artýy oryn alǵan joq.
«Áleýmettik mańyzdaǵy azyq-túlik ónimderiniń bólek túrlerine baǵanyń artýyna ulttyq valıýtanyń erkin baǵamǵa aýysýyna balanysty óndirýshilerdiń bosatý baǵasynyń ósýi negiz boldy. Sonymen birge shıkizatqa, qaptaý materıaldaryna, ımporttyq taǵamdyq qospalarǵa baǵanyń artýy faktory yqpal etti. Al jemis-jıdek, kókónis, sút jáne et ónimderine baǵanyń dınamıkasy maýsymdyq mánge ıe», - dedi ákim orynbasary.
