Elordada «Tarıhı oqıǵalar toǵysynda» atty kórme ashyldy

dep habarlaıdy QazAqparat.

Kórmeniń ashylý rásiminde sóz sóılegen Soltústik Qazaqstan oblysy ákiminiń orynbasary Tilegen Qaskın «Alǵa umtylǵan Qazaqstan» aımaqaralyq kórme jobasy aıasynda usynylyp otyrǵan sharaǵa qatysý soltústikqazaqstandyqtarǵa zor mártebe. Qyzyljar óńiri tarıhı, mádenı qudylyqtarǵa baı ólke. Oblystyq tarıhı-ólketaný murajaıy, beıneleý óneri murajaıy, Abylaı hannyń aq úıi tarıhı murajaıy sııaqty oryndar qundy jádigerlerge toly», dedi.

Sondaı-aq QR Tuńǵysh Prezıdenti murajaıynyń dırektory Alma Saǵynǵalı búgingi kórmege osy óńirdiń baı tarıhyn kórsetetin eksponattar qoıylǵandyǵyn atap ótti. Onyń aıtýynsha,  M.Jumabaev, S.Muqanov, Ǵ.Músirepov syndy uly tulǵalar  dúnıege kelgen Soltústik Qazaqstan oblysy búgingi kúni ekonomıka, mádenıet salalarynda elimizdiń jetekshi aımaqtarynyń birine aınalǵan.

Jalpy kórme úsh bólimnen turady. «Ejelgi mádenıettiń máıegi» dep atalatyn alǵashqy bólimde ólkeniń Qazaq handyǵy kezeńinen bastalatyn tarıhyn baıandasa, «Ulttyq tarıh - uly uǵym» atty kelesi bólimde ejelgi dala mádenıetiniń tarıhı qaıta jańǵyrǵan artefaktilerin usynǵan. Al kórmeniń sońǵy bólimi bekinis retinde salynyp, keıin qalaǵa aınalǵan Qyzyljar qalasynyń damýyna arnalǵan.