Elordada «Tárbıe tujyrymdamasy: úılestirý, júzege asyrý jáne damý bolashaǵy» atty respýblıkalyq semınar-keńes ótýde
ASTANA. Jeltoqsannyń 22-si. QazAqparat /Marlan Jıembaı/ - Búgin elordada QR Bilim jáne ǵylym mınıstrligi men Y.Altynsarın atyndaǵy Ulttyq bilim berý akademııasynyń uıymdastyrýymen «Tárbıe tujyrymdamasy: úılestirý, júzege asyrý jáne damý bolashaǵy» atty respýblıkalyq semınar-keńes ótti,
dep habarlaıdy QazAqparat.
Elimizdiń úzdiksiz bilim berý júıesindegi tárbıe tujyrymdamasyn júzege asyrý maqsatynda tárbıe úderisterine qatysýshy barlyq sýbektilerdiń is-qımyldaryn úılestirý jáne sabaqtastyqty qamtamasyz etý maqsatynda ótken alqaly jıyn barysynda Y.Altynsarın atyndaǵy Ulttyq bilim berý akademııasynyń prezıdenti Takır Balyqbaev baıandama jasady.
Ol óz baıandamasynda bilim berý júıesiniń basty mindeti jeke tulǵanyń ulttyq jáne jalpy azamattyq qundylyqtar negizinde qalyptasýy men damýy jáne onyń kásibı jetilýi úshin qajetti jaǵdaılar jasaý, atap aıtqanda balanyń tárbıelenýi, bilim alýy, jan-jaqty qalyptasýy, ana tilin, ulttyq salt-dástúrlerdi saqtaýy, densaýlyǵyn nyǵaıtýy sııaqty quqyqtaryn iske asyrý bolyp tabylatyndyǵyn atap ótti.
«Elimizdiń birqatar bilim berý uıymdarynda naqty áleýmettik-pedagogıkalyq jaǵdaılardy eskeretin pedagogtar men ata-analardyń, oqýshylardyń suranystaryna baǵyttalǵan tárbıe berý júıesi quryldy jáne ol tabysty qyzmet etip keledi» dedi óz sózinde T.Balyqbaev.
Aýqymdy sharaǵa Parlament depýtaty, QR Bilim jáne ǵylym mınıstrliginiń ókilderi, oblystyq bilim berý basqarmalary basshylarynyń orynbasarlary, joǵary oqý oryndarynyń prorektorlary jáne basqa da bilim berý júıesiniń qyzmetkerleri qatysty.
