Elordada tanymal frantsýz ánshisi Patrısııa Kaastyń kontserti ótedi
ASTANA. 25 qarasha. QazAqparat - 30 qarashada «Qazaqstan» OKZ tanymal frantsýz ánshisi Patrısııa Kaastyń kontserti ótedi. Kontsert Frantsııanyń Qazaqstandaǵy jyly aıasynda uıymdastyrylady. Bul týraly astana.kz saıtyna qalalyq Mádenıet basqarmasynan habarlady.
«Patrısııa kórermender nazaryna áıgili frantsýz oryndaýshysyn eske alýǵa arnalǵan «Kaas poet Pıaf» atty dýmanyn usynady. Baǵdarlamaǵa tyńdarmandar súıip tyńdaıtyn Padam-Padam, Je T'ai Dans La Peau ánderi, sonymen qatar, orys tilindegi «Ty ne pozvonısh», «Mne nravıtsıa, chto Vy bolny ne mnoı» jáne t.b. kompozıtsııalar engen», - delingen habarlamada.
Patrısııa Kaas - frantsýz ánshisi jáne aktrısa, álemdik estrada juldyzy, «World Music Awards» nagradasynyń ıegeri, Frantsııanyń úzdik daýysy.
Eske salaıyq, kontsert Frantsııanyń Qazaqstandaǵy jyly aıasynda 30 qarashada saǵat 18.00 «Qazaqstan» ortalyq kontsert zalynda Astana qalasy ákimdiginiń qoldaýymen ótedi.
