Elordada tańerteńnen beri 30-dan astam jol-kólik oqıǵasy tirkeldi
NUR-SULTAN. QazAqparat – Boran saldarynan elorda aýmaǵynda 35 jol-kólik oqıǵasy tirkeldi. Bul týraly qalalyq polıtsııa departamentinen málim boldy, dep habarlaıdy QazAqparat tilshisi.
«Qatty boran soǵyp tur. Tańerteńnen beri qala aýmaǵynda 35 jol-kólik oqıǵasy tirkeldi. Apat saldarynan bir adam dene jaraqatyn aldy», - delingen PD málimetinde.
Osy oraıda polıtseıler kólik júrgizýshilerin jyldamdyq rejımin qatań saqtaýǵa, kólikterdiń araqashyqtyǵy talaptaryn ustanýǵa shaqyrdy.
«Sonymen qatar avtokólikpen qaladan tys alys saparǵa shyqpaýǵa keńes beremiz. Qazirgi ýaqytta boranǵa baılagnysty barlyq baǵyttarda kólik qozǵalysy shekteldi. Júrgizýshilermen qatar, jaıaý júrginshiler de saq bolǵany jón. Ózderińizdiń qaýipsizdikterińiz úshin arnaıy ruqsat etilgen oryndarda kósheden ótińizder», - dep atalyp ótken habarlamada.
Budan buryn habarlanǵandaı, boranǵa baılanysty elordadan shyǵatyn barlyq jol jabyldy.
