Elordada tamyz aıynda mektepke deıingi bilim beretin 52 mekeme ashyldy
ASTANA. 8 tamyz. QazAqparat - Astanada mektepke deıingi mekemelerge barmaǵan balalar úshin oqý jyly bastalǵansha daıyndyq sabaqtary uıymdastyryldy.
Bul týraly astana.kz saıty qalalyq Bilim basqarmasynan silteme jasap habarlaıdy.
«Bıylǵy oqý jylynda Astanada jalpy bilim beretin 52 mektep janynan «Baldyrǵan mektebi» ashyldy. Sonyń ishinde 28 mektep qazaq tilinde jáne 24-i orys tilinde oqytady», - delingen aqparatta.
Mektepke deıingi daıyndyq synyby týraly balanyń tirkelgen jeri boıynsha ornalasqan mektepten bilýge bolady.
Bilim basqarmasynyń habarlaýynsha, qazirgi ýaqytta 1 myńnan astam bala elordalyq «Baldyrǵan mektebinde» oqyp júr.
«Baldyrǵan mektebi» mektepke deıingi daıyndyq pen bastapqy mektep daıyndyǵy arasyndaǵy oqýdyń birizdiligin júzege asyrady, pedagogtar men ata-analarǵa balalardy mektepke daıyndaýǵa kómektesedi. Atalǵan daıyndyq synyptary balalardyń oqýǵa degen yntasyn oıatyp, óziniń mańyzdylyǵyn túsinýge jáne óz-ózine degen senimin qalyptastyrady», - deıdi basqarmadaǵylar.
Kestege balanyń jeke jas áleýetin barynsha ashýǵa septigin tıgizetin sabaqtar engizilgen.
Atap aıtqanda, «Súıikti álippe», «Kóńildi esep», «Qolymyzdy jazýǵa daıyndaımyz» jáne «Qyzyqty eńbek». Qyzyqty ári oıyn túrindegi sabaqtar aptasyna 5 ret ótkizilmek.
