Elordada tamaqtaný oryndary sanıtarlyq talaptardy jıi buzatyny anyqtaldy
NUR-SULTAN. QazAqparat – Elordada tamaqtaný oryndarynyń sanıtarlyq talaptardy jıi buzatyny anyqtaldy. Bul týraly Nur-Sultan qalasy ákimdigine qarasty Qyzmet kórsetý salasy jáne saýdany damytý bóliminiń jetekshisi Rýslan Ydyrysov málim etti, dep habarlaıdy QazAqparat tilshisi.
«Qalalyq ákimdiktiń resmı saıtynda jarııalanǵandaı statıstıkaǵa súıensek, elordada saýda ortalyqtaryna qaraǵanda tamaqtaný oryndary sanıtarlyq talaptar men erejelerdi jıi buzady. Nege tamaqtaný oryndary degenge kelsek, ol jerde adamdar tamaqtanyp qana qoımaı, túrli kóńil kóterý maqsatyndaǵy is-sharalardy da uıymdastyrady. Ásirese osy jańa jyldyq mereke kezinde, ıaǵnı demalys kúnderi qaladaǵy tamaqtaný oryndarynyń (meıramhana, laýndj-bar) karantındik talaptardy jıi buzǵany anyqtaldy», - dedi Rýslan Ydyrysov tilshilerdiń suraqtaryna jaýap bere otyryp.
Onyń aıtýynsha, tamaqtaný oryndarynda kóbinese adamdar arasyndaǵy araqashyqtyq saqtamaıdy, nysandar ýaqytyly jabylmaıdy jáne kelýshilerdiń qorqor tartý jaǵdaıy tirkeledi.
«Ózderińiz bilesizder, elordada saýda ortalyqtary men azyq-túlik dúkenderi, sapermarketterdiń jumys isteý ýaqyty ózgertildi. Odan ári árbir saýda nysany ózi belgileıdi. ıAǵnı, erte jabylady ma, álde túnimen isteıdi me qojaıynnyń erkinde. Biraq bul tek qana aýmaǵy 2 myń metrden asatyn saýda oryndary men azyq-túlik dúkenderine qatysty. Al qalǵan nysandar saǵat 22:00-ge deıin ǵana jumys isteıdi. Nur-Sultan qalasyndaǵy saýda ortalyqtary men tamaqtaný oryndarynyń qyzmetin arnaıy qurylǵan monıtorıngtik top qadaǵalaıdy», - deıdi ol.
Aıta ketsek, búgin elordada arnaıy monıtornıgtik top birneshe saýda ortalyqtaryn aralap, sanıtarlyq talaptardy saqtaýǵa shaqyrý maqsatyndaǵy aqparattyq túsindirý jumysyn ótkizdi.
