Elordada taksıst jolaýshy áıeldi tonap ketti
NUR-SULTAN. QazAqparat – Elorda turǵyny túngi ýaqytta taksı júrgizýshisi 72 myń teńge turatyn uıaly telefonyn urlap ketkenin aıtyp, polıtsııaǵa habarlasqan. Bul týraly QazAqparat Nur-Sultan qalasy PD baspasóz qyzmetine silteme jasap habarlaıdy.
Tergeý barysynda polıtsııa qyzmetkerleri jábirlenýshiniń kóshede taksı toqtatqanyn anyqtady. Baǵasyn kelisken soń áıel adam kólikke otyrǵan jáne atalǵan mekenjaıǵa bet alǵan.
Biraz ýaqyttan keıin taksı júrgizýshisi baǵytyn ózgertip, beıtanys aýlaǵa baryp toqtaǵan.
Qorqyp ketken áıel kólikten qashyp shyqqan, alaıda júrgizýshi onyń telefonyn tartyp alyp, qashyp ketken.
Polıtsııa qyzmetkerleri atalmysh júrgizýshini taýyp, ol kinásin tolyǵymen moıyndady.
Elordanyń 35 jastaǵy turǵyny buǵan deıin kisi tonaǵany úshin sottalǵan. Ol urlanǵan telefondy satyp úlgergen.
Atalǵan fakti boıynsha qylmystyq is qozǵaldy.
Tergeý júrgizilip, elorda aýmaǵynda osyǵan uqsas buryn jasalǵan qylmystarǵa qatysy bar-joǵy anyqtalyp jatyr.
Polıtsııa qyzmetkerleri telefondy alyp, ıesine qaıtardy.
Nur-Sultan qalasynyń polıtsııa departamenti tekserilgen taksoparkterdi qoldanýǵa usynady.
