Elordada tahıkardııany ınterventsııalyq emdeý boıynsha sheberlik synyby ótkiziledi
ASTANA. 14 mamyr. QazAqparat - Dúısenbi, 16 mamyrda Astana qalasyndaǵy Respýblıkalyq medıtsınalyq jedel járdem ǵylymı ortalyǵynda kenetten bolatyn júrek óliminiń qaıtadan aldyn alý maqsatynda ómirge qaýip tóndiretin tahıkardııany ınterventsııalyq emdeý boıynsha sheberlik synyby ótkiziledi.
Bul týraly «Ulttyq medıtsınalyq holdıng» AQ baspasóz qyzmeti habarlap otyr.
Sheberlik synyby sheńberinde kenetten bolatyn júrek óliminiń aldyn alý úshin qarynshalyq tahıkardııasy bar emdelýshige kardıoverter-defıbrıllıatordy ımplantatsııalaý operatsııasy jasalatyn bolady.
Sheberlik synybyn RF DSM Hırýrgııalyq jáne ınterventsııalyq arıtmologııa ortalyǵynyń ǵylymı qyzmetkeri, RMǴA A.N.Bakýlev atyndaǵy ǵylymı ortalyqtyń tahıarıtmııalar bólimshesi meńgerýshisiniń orynbasary, m.ǵ.k. Nıkoloz Nýgzarovıch Lomıdze (Máskeý qalasy, RF) ótkizedi. Ol RF ımplantant qurylǵysy boıynsha jetekshi mamandardyń biri bolyp tabylady.
