Elordada taǵy eki jerde týrıstik polıtsııa beketteri jumysyn bastaıdy
Departamenttiń habarlaýynsha, týrıstik polıtsııanyń zamanǵa saı úlgidegi statsıonarlyq beketteri sheteldik týrıster jıi baratyn oryndarda ornatylǵan. Atalǵan qyzmet sáýir aıynan bastap iske qosylǵan. Týrıstik polıtseıler shetel azamattarynyń Nur-Sultandaǵy qaýipsizdigine jaýapty.
«Mysaly, týrıstik polıtsııa modýlderiniń biri qala turǵyndarynyń ǵana emes, sheteldik qonaqtardyń da baratyn «Báıterek» monýmentinde qyzmet etedi. Týrıstik polıtsııa qyzmetkerleri shet tilin meńgergen. Sheteldik qonaqtarǵa kómek kórsetýge daıyn. Olarǵa tek qana sheteldik qonaqtar ǵana emes, qala turǵyndary men ózge óńirlerden kelgen qonaqtar da júgine alady», - dep habarlaıdy departamentten.
Týrıstik polıtseıler týrısterge kómek kórsetýden basqa aqparattyq qyzmet te kórsetedi. Nur-Sultan qalasy PD Jergilikti polıtsııa qyzmeti basqarmasynyń bastyǵy Ǵusman Jakınniń aıtýynsha, týrıstik polıtsııa modýlderiniń sanyn arttyrý kózdelgen. Bul jerde sheteldik qonaqtardyń eń jıi baratyn núktelerine basymdyq beriledi. Zamanǵa saı modýlder jaqyn arada «Ǵashyqtar saıabaǵy» (Turan dańǵyly boıynda) jáne EKSPO aýmaǵynda ornatylady.
Nur-Sultan qalasy ákimdiginiń qoldaýymen týrıstik polıtsııa modýli jáne jeke quram barlyq materıaldyq-tehnıkalyq qurylǵylarmen jabdyqtalǵan.
Qazirgi kezde Táýelsizdik kóshesinde (Beıbitshilik jáne kelisim saraıy) jáne «Báıterek» monýmentinde týrıstik polıtsııanyń beketteri táýlik boıy qyzmet etedi.
