Elordada taǵy eki nysan karantınge jabyldy
NUR-SULTAN. QazAqparat – Elordada taǵy eki nysan karantınge jabyldy, dep habarlaıdy QazAqparat qala ákimdigine silteme jasap.
Elordada «Meıirim» medıtsınalyq ortalyǵy men Kereı, Jánibek handar kóshesinde ornalasqan Ulttyq ǵylymı onkologııalyq ortalyǵy karantınge jabyldy. Baılanysta bolǵan tulǵalar karantınge jiberildi, onyń ishinde medıtsına qyzmetkerleri de bar. Dezınfektsııa júrgizilip jatyr. Emdelýshilerge barýǵa qatań tyıym salynady.
Esterińizge sala keteıik, qalalyq shtab barlyq áýejolaýshylardy tekserý týraly sheshim qabyldady. Nur-Sultan qalasynyń medıtsına qyzmetkerleri 22 naýryzdan bastap 20-dan astam reısti qabyldady, bul shamamen 1750 adam. 1,5 myń adam saraptama nátıjesin aldy. Úsh jolaýshynyń saraptama qorytyndysy oń nátıje kórsetti. Barlyq jolaýshylardy tekserý ınfektsııany juqtyrǵan adamdardyń qalaǵa shyǵýyna jol bermeýge jáne olarǵa ýaqytyly medıtsınalyq kómek kórsetýge múmkindik berip otyr.
Qazaqstanda 28 naýryzdaǵy derekter boıynsha koronavırýstan saýyǵyp ketkenderdiń sany 18 adamdy quraıdy, onyń 13-i — Nur-Sultan qalasynda.
Aıta keteıik, buǵan deıin qalada №2 kópsalaly oblystyq aýrýhana jáne №1 avtobýs parki karantınge jabylǵan bolatyn.
