Elordada taǵy eki qonaqúıde ýaqytsha statsıonar jabdyqtalýy múmkin
NUR-SULTAN. QazAqparat - Nur-Sultan qalasynyń birneshe qonaqúıi ýaqytsha statsıonar retinde jabdyqtalýy múmkin. Bul týraly Nur-Sultan qalalyq Qoǵamdyq densaýlyq saqtaý basqarmasynyń basshysy Sáýle Qısyqova aıtty, dep habarlaıdy QazAqparat.
«Koronavırýs ınfektsııasynyń aldyn alý jáne taralýyn eskertý maqsatynda epıdemııaǵa qarsy sharalardy engizý týraly sheshim qabyldanǵan bolatyn. Osyǵan baılanysty Nur-Sultan qalasynda jalpy 1051 tósektik statsıonar ornalastyryldy. Aýrýhanalarda 44 reanımatsııalyq tósek pen 173 jasandy tynys aldyrý apparaty bar», - dedi basqarma basshysy qala ákimdiginde ótken onlaın-brıfıngte.
Onyń aıtýynsha, «Ramada Plaza» qonaqúı kesheninde (800 orynǵa arnalǵan) jóndeý jumystary aıaqtaldy.
«Búgin kereýet (500 dana) pen tósek-oryn jetkiziledi. Sondaı-aq «Týrıst» jáne «Alaý» qonaqúılerimen kelisimshart jasaý jumystary bastaldy», - dedi S. Qısyqova.
Buǵan deıin Sáýle Qısyqova 20 naýryz kúni koronavırýs ınfektsııasy anyqtalǵan 3 naýqastyń jaı-kúıin aıtyp berdi. Tórt aılyq nárestesi bar otbasy 19 naýryzda Parıj-Mınsk-Nur-Sultan reısinen túsirilip, aýrýhanaǵa jetkizilgen.
21 naýryzda saǵat 08.00-degi jaǵdaı boıynsha elorda aýrýhanalarynda barlyǵy 645 adam jatyr, onyń 62-si - balalar.
Osy ýaqytqa deıin ınfektsııany juqtyrǵan: Nur-Sultan qalasynda - 28 adam, Almaty qalasynda – 22 adam, Qaraǵandy qalasynda - 2, Taldyqorǵan qalasynda - 1 adam, jalpy 53 naýqastirkeldi.
