Elordada taǵy bir úlken saıabaq boı kóteredi
STANA. Qyrkúıektiń 18-i. QazAqparat /Jasulan Amanbaıuly/ - Astanada taǵy bir saıabaq paıda bolady.
Bul týraly búgin elorda ákimi Imanǵalı Tasmaǵambetov jalpyqalalyq senbilikte jýrnalıstermen bolǵan suhbatta aıtty.
«Elbasynyń tapsyrmasy bar - taǵy bir saıabaqty elordanyń sol jaq jaǵalaýynda qurý. Ol shamamen 100 gektar aýmaqty qamtıdy», deıdi qala ákimi.
Osy tapsyrmaǵa sáıkes qala ákimdigi jobalyq-smetalyq qujattamasyn jasaqtaýda.
«Qala - tiri aǵza, ol kún saıyn damyp otyrady. Elbasynyń «AstanaBasjosparǵa» sońǵy kelýinde, bizge qalanyń aldaǵy qurylysyna qatysty birqatar tapsyrmalar júktedi», dedi ol.
Qazirgi ýaqytta Astanada birneshe úlken jobalar men ǵımarattar turǵyzylýda. Sol jaǵalaýda Opera teatry salynyp jatyr. Jaqyn ýaqyttarda Oqýshylar saraıynyń, Tarıh murajaıynyń, Medıa ortalyqtyń qurylysy bastalmaq.
«Sońǵy on jyl aralyǵynda salynǵan nysandar sııaqty atalmysh ǵımarattar qalanyń kórkine aınalatyn bolady», dedi I. Tasmaǵambetov.
