Elordada taǵy bir saýda ortalyǵynda koronavırýs vaktsınasy egile bastady
NUR-SULTAN. QazAqparat - - Elorda turǵyndary men qonaqtaryn koronavırýs ınfektsııasyna qarsy vaktsınatsııalaıtyn saýda oryndarynyń tizimin qalanyń oń jaǵalaýyndaǵy «Eýrazııa» saýda úıi tolyqtyrdy, dep habarlaıdy QazAqparat qala ákimdigine silteme jasap.
Munda azamattar vaktsınanyń eki túrin qabyldaı alady: reseılik «Spýtnık-V» preparaty jáne qytaılyq «SinofarmHayat-Vak» vaktsınasy.
«Qala turǵyndary tyǵyz ornalasqan aýdandardyń birin vaktsınatsııalaýmen qamtý úshin «Eýrazııa« saýda úıinde de egý pýnktin ashýdy jón kórdik. Aýdan turǵyndary da atalmysh saýda ornynda ashý týraly birneshe ret ótinish bildirgen. Nur-Sultan qalasy boıynsha sanıtarlyq-epıdemıologııalyq baqylaý departamentimen birlesip, osy máseleniń múmkindigin qarastyrdyq jáne azamattarǵa yńǵaıly bolý úshin vaktsınatsııalaý pýnktterin ashý týraly sheshim qabyldadyq. Epıdemıologııalyq talaptardy saqtaı otyryp, osy jerde vaktsınatsııa júrgiziletin bolady», - dep atap ótti qalalyq Qoǵamdyq densaýlyq saqtaý basqarmasy.
Vaktsınatsııa orny «Eýrazııa-3» saýda úıiniń tórtinshi qabatynda uıymdastyrylǵan. Vaktsınatsııalaýǵa tirkeý brıgadanyń kestesine jáne saýda úıiniń jumys rejımine sáıkes saǵat 19.30-ǵa deıin júrgiziledi.
Esterińizge sala keteıik, elordada búginge deıin «Mega Silk Way», «Keruen», «Han Shatyr», «Ábý-Dabı Plaza», «Azııa Park», «Saryarqa» saýda oıyn-saýyq ortalyqtarynda, «Álem», «Astanalyq», «Eýrazııa» saýda úılerinde vaktsınatsııa pýnkti ashylǵan bolatyn. Qala ákimi Altaı Kólginovtiń tapsyrmasy boıynsha olardyń sany úsh ese artty.
Basqarma málimetinshe, qoımalarda reseılik «Spýtnık-V» jáne qytaılyq Sinofarm Hayat-Vak vaktsınalarynyń mólsheri jetkilikti. Jaqyn arada QazVac otandyq preparat jetkiziledi.
