Elordada taǵy bir kóshede birjaqty qozǵalys bolady
NUR-SULTAN. QazAqparat – Elordada 1 naýryzdan bastap R. Qoshqarbaev dańǵyly boıynda Q. Amanjolov kóshesinen M. Tólebaev kóshesine deıin ornalasqan birqatar jergilikti ótpe joldyń ýchaskesinde birjaqty qozǵalysty engizý josparlanyp otyr. Bul týraly qalalyq polıtsııa departamenti baspasóz qyzmetinen málim boldy, dep habarlaıdy QazAqparat tilshisi.
«Atalǵan ýchaskelerde kólik qozǵalysynyń kúrdelenýine baılanysty kóptegen shaǵymdarmen turǵyndar ákimdikke ótinim jasaǵannan keıin osyndaı sheshim qabyldandy», - delingen habarlamada.
Osy oraıda bul ýchaskelerdiń jol-tehnıkalyq jaǵdaıyna zertteý júrgizilip, birjaqty qozǵalys engizý týraly usynys qabyldandy.
Bul ózgerister joldaǵy kólik qozǵalysy jolaqtaryn tıimdi paıdalanýǵa, qarańǵy kezde qozǵalystyń qaýipsizdigin arttyrý, kólik jelisine keri áser etip turǵan jaǵdaılardy anyqtaýǵa múmkindik beredi.
