Elordada taǵy bir kóshe jabylady
ASTANA. QazAqparat - Astanada Beısekbaev kóshesi boıynda bir kúnge kólik qozǵalysy shekteledi, dep habarlaıdy Astana ákimdiginiń medıa ortalyǵy .
«Injenerlik jelilerdi salý jumystarynyń júrgizilýine baılanysty Beısekbaev kóshesindegi Kenesary kóshesinen Abaı dańǵylyna deıingi aýmaqta 15 shilde saǵat 08:00-den 16 shilde 08:00-ge deıin tolyǵymen kólik qozǵalysyna shekteý qoıylady», delingen habarlamada.
Qalalyq ІІD-i qala turǵyndary men qonaqtaryna elorda kóshelerinde keptelis jaǵdaılaryna tap bolmas úshin aldyn ala baǵyttaryn belgilep alýǵa keńes beredi.
