Elordada taǵy bir kóshe ýaqytsha jabylady
NUR-SULTAN. QazAqparat - Elordada Jekebatyr kóshesiniń bóligi jóndeý jumystaryna baılanysty ýaqytsha jabylady, dep habarlaıdy elorda ákimdiginiń resmı saıty.
Nur-Sultan qalasynyń Kólik jáne jol-kólik ınfraqurylymyn damytý basqarmasy jol qozǵalysy qaýipsizdigin qamtamasyz etý maqsatynda Nur-Sultan qalasy PD ákimshilik polıtsııa basqarmasynyń kelisimi boıynsha Jekebatyr kóshesindegi jol tósemin jóndeýdiń bastalǵanyn málim etti.
Osyǵan baılanysty 6-12 tamyz aralyǵynda Jekebatyr kóshesiniń Kosmonavtar kóshesinen Atasý kóshesine deıingi aralyǵynda jóndeý jumystaryna baılanysty kólik qozǵalysy ishinara jabylatyn bolady.
«Elorda turǵyndary men qonaqtary qala joldarynda keptelis týdyrmas úshin qozǵalys baǵytyn aldyn ala josparlaýy qajet. Keltirilgen qolaısyzdyqtar úshin keshirim ótinemiz jáne jóndeý jumystarynyń júrgizilýine túsinistikpen qaraýdy suraımyz», - delingen habarlamada.
Aıt a keteıik, buǵan deıin 2-8 tamyz aralyǵynda jóndeý jumystaryna baılanysty Máńgilik El dańǵylynyń Dostyq kóshesinen « Saraıshyq kóshesi men Máńgilik El dańǵylynyń qıylysyndaǵy kólik aıyrymyna « deıingi ýchaskesi avtokólik úshin tolyǵymen jabylǵanyn habarlaǵan edik.
