Elordada taǵy bir kásiporyn maska shyǵara bastady
NUR-SULTAN. QazAqparat – Nur-Sultan qalasynda aıyna 5 mln maska shyǵaratyn kásiporyn jumys isteı bastady, dep habarlaıdy QazAqparat.
«Pandemııa bastalǵannan beri qalalyq birqatar kásiporyn medıtsınalyq maskalar tigýge kiristi. Óz tarapymyzdan barlyq qajetti kómekti kórsetip kelemiz. Búgin maska tigýge kirisken taǵy bir kásiporynnyń jumysymen tanystym. Kásiporyn aıyna 2 mln maska shyǵaratyn bolady. Tolyq óndiristik qýaty – aıyna 5 mln maska», - dep jazdy elorda ákimi Altaı Kólginov Instagram-da.
Sondaı-aq A.Kólginov Investıtsııalyq keńeste qoldaý tapqan qubyr shyǵaratyn zaýyttyń qurylys barysymen de tanysyp qaıtty.
«Іshki naryqta osy materıaldarǵa úlken suranys bar. Olar turǵyn úı-kommýnaldyq sharýashylyǵyn jańǵyrtý, jańa nysandar salý, jerasty ınjenerlik jelilerin aýystyrý jáne taǵy basqa jaǵdaılarda qajet. Sondaı-aq Buǵan deıin ınvestıtsııalyq keńeste dári-dármekterdi taratý ortalyǵynyń (qoımasynyń), kóterme-taratý ortalyqtarynyń qurylysy da qoldaý tapqan bolatyn. Pandemııa mundaı jobalardyń qajet ekenin kórsetti. Ár ınvestormen jumys isteımiz. Investıtsııalyq keńeste qoldaý tapqan jobalardyń ishinde ınfraqurylymdyq, óndiristik, áleýmettik, logıstıkalyq jáne basqa da jobalar bar. Qurylys jeke qarajat esebinen júzege asyrylady», - dep jazdy Altaı Kólginov.
