Elordada taǵy bir qarjy pıramıdasy anyqtaldy

NUR-SULTAN. QazAqparat – Qarjylyq monıtorıng agenttigi kezekti qarjy pıramıdasyn anyqtady, dep habarlaıdy QazAqparat.

Qarjy pıramıdalaryn uıymdastyrýshylar alaıaqtyq shemalardy ártúrli joldarmen jasyrady. Bul zergerlik buıymdardy, týrıstik joldamalardy, baǵaly qaǵazdardy satyp alý/satý qyzmetteri, sondaı-aq krıptovalıýtalar men bıtkoınderdi satýdyń jańa tásilderi bolýy múmkin.

Bul rette, olar kózdeıtini tek qana bir maqsat – sengish azamattardy «tabysy tym joǵary» jobaǵa aldap tartý, al joba eleýli qarjy shyǵynadryna ákep soǵady.

Qarjylyq monıtorıng agenttiginiń Nur-Sultan qalasy boıynsha aýmaqtyq departamenti «Antares» qarjy pıramıdasy qyzmetiniń jolyn kesti.

Qarjy pıramıdasyn uıymdastyrýshylar jeke tulǵalardyń aqshasyn kásipkerlik qyzmetke tartqan. Biraq is júzinde olar qarajatty qaıta bólý jáne bir qatysýshylardy basqa salymshylardyń jarnalary esebinen baıytý arqyly tabys taýyp otyrǵan.

Atalǵan derek boıynsha sotqa deıingi tergeý amaldary júrgizilýde.

Qazirgi ýaqytta aýmaqtyq departament barlyq zardap shekken adamdardy jáne keltirilgen zalal somasyn anyqtaýǵa baǵyttalǵan sharalar qabyldap keledi.

Osyǵan baılanysty, atalǵan pıramıdanyń qyzmetine aqshalaı salymdardy júzege asyrǵan barlyq azamattardyń Nur-Sultan qalasy, Jeltoqsan kóshesi, 43 mekenjaıy, [phone] telefony boıynsha QMA aýmaqtyq departamentine júginýin suraımyz