Elordada taǵy bir elshilik ashyldy

Kelissóz qorytyndysy boıynsha eki mınıstr bilim men ǵylym salasynda ózara túsinistik týraly memorandýmǵa qol qoıdy.

«Búgin biz óte tabysty kelissóz ótkizdik. Peıchınovıch-Býchıch xanym óziniń saparyn Nur-Sultandaǵy Horvatııa elshiliginiń resmı ashylýymen ushtastyrdy. Bul - shet memlekettiń Qazaqstandaǵy 70-shi ókildigi boldy. Biz ony Horvatııanyń Qazaqstanǵa degen úlken qurmetiniń aıryqsha kórinisi, erekshe qatynas pen dostyqtyń belgisi dep bilemiz. Horvatııa ońtústik-shyǵys Eýropadaǵy mańyzdy áriptesimiz sanalady. Biz eki jaqty qarym-qatynasty odan ary kúsheıtýge múddelimiz», - dedi B.Atamqulov.

Mınıstrdiń aıtýynsha, úsh jyldyń ishinde eki eldiń saýda-sattyǵy 8 ese ósip, 350 mıllıon AQSh dollaryn qurady. Qazaqstan men Horvatııa munaı-gaz ónerkásibi, qurylys, ınnovatsııalar, tamaq ónerkásibi, aýyl sharýashylyǵy, farmatsevtıka jáne týrızm boıynsha birlesip jumys istep keledi. Al saýda-ekonomıkalyq baılanystardy kúsheıtý maqsatynda bıyl úkimetaralyq komıssııanyń birinshi otyrysyn ótkizýge sheshim qabyldandy.

«Búginde Qazaqstanda 20-dan astam xorvat kompanııasy jumys istep jatyr. Іri jobalardyń ishinde Nur-Sultandaǵy «Zagreb» turǵyn úı kesheni, elektrondy densaýlyq tólqujatyn engizý jáne protez-ortopedııalyq ónimderdi birlesip shyǵarý sııaqty bastamalar bar», - dep atap kórsetti B.Atamqulov.

Horvatııa premer-mınıstriniń orynbasary da Qazaqstanmen aradaǵy yntymaqtastyq baılanystarǵa oń baǵa berdi. Eki memleket xalyqaralyq uıymdar aıasynda únemi bir-birine qoldaý bildirip otyrady.

«Al ekonomıkalyq yntymaqtastyq týraly kelisim úkimetaralyq komıssııanyń jumysyna negiz bolyp otyr. Atalǵan qurylym ekijaqty baılanystyń qosymsha ınstıtýtsıonaldyq bazasyn beredi. Biz ol baılanysty barlyq salalar boıynsha kúsheıtýge múddelimiz. Sonyń arqasynda Qazaqstan azamattary vızany jyldam alyp, Horvatııaǵa sapar jasaı alady», - dedi Marııa Peıchınovıch-Býrıch.

Osydan keıin mınıstrler Horvatııa elshiliginiń resmı ashylýyna qatysty.