Elordada taǵy bir «Bus lane» jolaǵy paıda bolady
ASTANA. QazAqparat - Astanada qoǵamdyq kólik úshin taǵy bir jolaq engiziledi, dep habarlaıdy QazAqparat tilshisi.
«Elordadaǵy kólik ınfraqurylymyn jańǵyrtý aıasynda Astana qalasynyń kólik qyzmetteri sapasy men qoǵamdyq kólik jolaýshylarynyń jaǵdaıyn jaqsartý úshin erteń, 2018 jyldyń 29 shildesinde Qosshyǵululy kóshesinde Kenjebek Kúmisbekov kóshesinen Shabal Beısekov kóshesine deıingi ýchaskede, qashyqtyǵy 1,6 shaqyrym bolatyn jolǵa «Bus lane» jolaǵyn engizý josparlanýda», - delingen Astana LRT-nyń Feısbýkte jarııalaǵan habarlamasynda.
Kompanııada atap ótkendeı, «Bus lane» jolaǵy qoǵamdyq kóliktiń kepteliste turýy, qozǵalys kestesiniń buzylýy máselelerin sheshýge múmkindik beredi.
«Bul shara Astana qalalyq kólik jáne jol-kólik ınfraqurylymyn damytý basqarmasy men Astana ІІD ákimshilik polıtsııa basqarmasymen birlesip júzege asyrylýda. Belgilengen jolaqty engizgennen keıin qoǵamdyq kóliktiń ortasha jyldamdyǵy 12-15%-ǵa artty», - dep túıindedi Astana LRT.
