Elordada taǵy bir bala sýǵa batyp ketti

Nur-Sultan qalalyq tótenshe jaǵdaılar departamentiniń málimetinshe, keshe saǵat 18-39-da elordalyq qutqarý qyzmetiniń «101» pýltine Saryarqa aýdanynyń Aqqorǵan kóshesi boıynda Esil ózenine qyz balanyń sýǵa batyp ketkeni týraly habarlama túsken. Tótenshe jaǵdaı ornyna 1 tehnıka men 4 qutqarýshy jedel jiberilgen.

«Qutqarýshylar shaqyrtý ornyna jetken boıda oryn alǵan jaǵdaıdy jedel baǵalap, súńgýirler toby sý túbin zerdelep, qyzdy izdestirý jumystaryna jedel kiristi. Bul jerde qazba jumystarynyń júrgizilip jatýy jáne sý túbiniń batpaqty bolýy izdestirý jumystaryn qıyndatty. Sonymen qatar bul ýchaskede sýǵa túsýge ruqsat joq. Alaıda qıyndyqtarǵa qaramastan qutqarýshylar saǵat 20-47-de súńgýir jabdyqtarynyń kómegimen 2008 jyly týǵan qyz balanyń múrdesin sýdan alyp shyqty», - dedi departamentten.

Ókinishke oraı, sýǵa shomylý maýsymynyń basynan beri Nur-Sultan qalasynyń aýmaǵynda 9 adam sýǵa batty, onyń 5-eýi balalar. Qaıǵyly oqıǵalardyń barlyǵy sýǵa túsýge tyıym salynǵan oryndarda tirkelgen.