Elordada taǵy bir avtobýstyń baǵdary ózgerdi
NUR-SULTAN. QazAqparat - Elordalyq turǵyndardyń suraýymen jáne kóliktik qyzmetti jaqsartý maqsatynda 19 tamyzdan bastap №60 qoǵamdyq kólik Uly dala dańǵylyndaǵy jańa kópir arqyly «Nurly jol» temirjol vokzalyna deıin qatynaıdy, dep habarlaıdy QazAqparat.
«City Transportation Systems» JShS osylaısha sol jáne oń jaǵalaý arasyndaǵy kólik baılanysyn jaqsartady.
«Baǵdar qozǵalysy kelesideı: «Talısman» TK aıaldamasyna deıin ózgerissiz, Uly dala dańǵylymen týra, ary qaraı Esil ózeni arqyly ótetin kópir, J.Nájimedenov kóshesinen ońǵa, ary qaraı «Nurly jol» temirjol vokzalyna deıin», - dep jazdy qyzmet kórsetý mekemesinen.
Baǵdardyń syzbasymen sýretten qarap tanysýǵa bolady.
Aıta keteıik, buǵan deıin Nur-Sultan qalasynda birneshe avtobýstyń baǵdary ýaqytsha ózgergen bolatyn.
