Elordada taǵy bir Arbat salynady
«Elordada taǵy bir Arbat salynady. Jaıaý júrginshiler promenady qurylysy boıynsha jumys júrgizip jatyrmyz. Jańa qoǵamdyq keńistik Respýblıka dańǵylynan Q.Qýanyshbaev atyndaǵy Qazdramteatrge deıin Omarov kóshesiniń boıynda ornalasady. Jaıaý júrginshiler promenady eki teatr arasyndaǵy aýmaqty baılanystyrady. Respýblıka dańǵyly jaǵyndaǵy fontan qaıta jóndeledi. Ol jylǵaǵa qaraı aǵady. Al sol jylǵa boıynda balalarǵa arnalǵan sýmen oınaıtyn elementter ornatamyz», dep jazdy qala ákimi Altaı Kólginov Instagram-daǵy paraqshasynda.
Buǵan qosa Arbat aýmaǵynda aspaly átkenshek ornatylady. Balalar úshin jeke sport jáne oıyn alańdary, tynysh aýmaq, kovorkıng ortalyq syndy tegin semınar men til sabaǵyn ótkizýge arnalǵan jeke zonalar jasalady.
«Kópir asty keńistigi aýmaǵynda (Saraıshyq dańǵyly) balalarǵa arnalǵan ekoalań men aspaly saıabaq jasamaqshymyz. Bul ıdeıany da osy jerde iske asyramyz. Beıbitshilik kóshesinen Respýblıka dańǵylyna deıin velojol salamyz. Memleket basshysy buqaralyq sporttyń damýyna erekshe kóńil bóledi. Sebebi kásibı sport pen salaýatty ómir saltyna deıingi jol aýla sporty – qoǵamdyq keńistikter men aýlalardan bastalady. Olar ár adamǵa qoljetimdi bolýy tıis. Bıyl 54 iri qoǵamdyq keńistik pen 150 aýla jasap, abattandyrdyq. Bunyń ózi ǵana 300 myńnan astam adamdy qamtýǵa múmkindik berdi. Bul jumystardy kelesi jyly da jalǵastyramyz», – dep jazdy Altaı Kólginov.
