Elordada «Syılyqtar álemi» atty kórme ashyldy

dep habarlaıdy QazAqparat.

Kele jatqan Jańa jyl merekesine oraı uıymdastyrylyp, santúrli ónimder qoıylǵan kórmeden turmysqa qajetti kez-kelgen zatty satyp alýǵa bolady. Onda Túrkııa, Belarýs, Reseı, Ózbekstan, Qyrǵyzstan sııaqty eldermen qatar Qazaqstannyń kompanııalary usynǵan kádesyıdan bastap, zergerlik buıymdar, ydys-aıaqtar, tósenishter, kıim-keshekter, úı ósimdikteri oryn alǵan.

Uıymdastyrýshylardyń aıtýynsha, mundaı jármeńke biraz ýaqyttan beri jyl saıyn turaqty ótip keledi. Kórmege 80-ge jýyq taýar óndirýshiniń ónimderi qoıylǵan.

«Elorda turǵyndary bul jármeńkeni jyl saıyn asyǵa kútedi. Sebebi bul jerden qalaǵan zatyńdy satyp alýǵa múmkindik mol. Jalpy bizdiń basty maqsatymyz - elorda turyndaryna jańajyldyq kóńil-kúı syılaý», deıdi joba dırektory Dana Morozova.

Joba dırektorynyń aıtýynsha, keler jyldyń naýryz aıynyń basynda  elorda turǵyndary halyqaralyq naýryz merekesine oraı uıymdastyrylatyn «Kóktemgi tosyn syılyq» atty jármeńkeden qalaǵan syılyqtaryn satyp alýǵa múmkindik alady.

«Syılyqtar álemi» atty kórme jeltoqsannyń 22-sine deıin jalǵasady.