Elordada «Sybaılas jemqorlyqqa qarsy komplaens» taqyrybynda semınar ótti
Іs-shara «Adaldyq Alany» jobalyq keńsesi men «Damý Qazaqstandyq qaýymdastyǵy» ZTB arasyndaǵy sybaılas jemqorlyq quqyq buzýshylyqtarǵa múldem tózbeýshilikti ilgeriletý boıynsha birlesken kúsh-jigerdi damytýdy kózdeıtin yntymaqtastyq týraly memorandým aıasynda ótti.
Semınardyń spıkeri retinde QR Aqparat jáne qoǵamdyq damý mınıstrligi apparatynyń basshysy Aıjan Shaınazarova jáne «Adaldyq Alany» jobalyq keńsesiniń basshysy Tımýr Jumyrbaev sóz sóıledi. Trenıngti QR Prezıdenti janyndaǵy Memlekettik basqarý akademııasynyń komplaensy jáne Sybaılas jemqorlyqqa qarsy zertteýler ortalyǵynyń sarapshysy Aıbek Qabyldın ótkizdi.
Semınarǵa kvazımemlekettik sektor sýbektileriniń komplaens-qyzmetkerleri, Aqparat jáne qoǵamdyq damý mınıstrliginiń vedomstvolyq baǵynysty uıymdarynyń komplaens qyzmetkerleri qatysty.
«2020 jyldyń qazan aıynda Memleket basshysynyń ıdeıasy iske asyrylyp, kvazımemlekettik sektor sýbektilerinde «komplaens-qyzmet« uǵymy quqyqtyq deńgeıde bekitildi. Osy kezeńnen bastap memlekettik organdardyń vedomstvolyq baǵynysty uıymdarynda komplaens-qyzmetter qurylýda, olardyń negizgi mindeti sybaılas jemqorlyq quqyq buzýshylyqtardyń aldyn alý, uıymdarǵa adaldyq prıntsıpterin engizý, sybaılas jemqorlyqqa qarsy saıasat qaǵıdattaryn daǵdylandyrý jáne memlekettik organdardyń basshylaryna jumysta kómek kórsetý bolyp tabylady», - dedi Aıjan Shaınazarova.
Sybaılas jemqorlyqqa qarsy mádenıetti qalyptastyrý protsesine komplaens qyzmetkerlerin tartý maqsatynda osyndaı bilim berý alańdaryn turaqty negizde ótkizý josparlanýda.
