Elordada sýyq sýǵa túsý qaýpi týraly aıtyldy
NUR-SULTAN. QazAqparat - Kún jylyndy dep sýyq sýǵa túsýge bolmaıdy. Sý salqyn bolǵandyqtan dene tartylyp, bulshyqetke, júrekke zııan tııýi múmkin. Bul týraly Nur-Sultan qalasy Tótenshe jaǵdaılar departamentiniń basshysy Baýyrjan Syzdyqov aıtty, dep habarlaıdy QazAqparat tilshisi.
«Bizde sýǵa túsý maýsymy 1 maýsymda bastalyp, 1 qyrkúıekte aıaqtalady. Eń aldymen nazarlaryńyzdy ózderińizdiń jáne balalaryńyzdyń qaýipsizdigine aýdarǵymyz keledi. Qazirgi kezde tún sýyq, sondyqtan sý da salqyn - 19 gradýstan tómen. Kún jylyndy dep sýyq sýǵa túsýge bolmaıdy, sý salqyn bolǵandyqtan dene tartylyp, bulshyqetke, júrekke zııan tııýi múmkin. Balalaryńyzdyń qaýipsizdigine basa nazar aýdaryńyzdar», - deıdi Baýyrjan Syzdyqov qalalyq ákimdiktiń baspasóz ortalyǵynda ótken brıfıngte.
Onyń aıtýynsha, bıyl sýǵa túsýge bolatyn 23 jerdiń 3-eýine ǵana ruqsat etilgen. Qalǵan 20 ornynyń 7-eýi pılottyq joba retinde tańdalǵan.
«Ákimdik osy jerler boıynsha qujat daıyndap jatyr, kelesi jyly bul jerlerge sýǵa túsýge bolady. Sondaı-aq, Esil ózenindetaǵy eki oryn daıyndalady dep josparlanýda», - deıdi ol.
