Elordada sýyq kún raıy saqtalady
ASTANA. QazAqparat - 8-9 maýsymda Astanada topyraq beti 0-den 2 gradýsqa deıin sýytady, aýa temperatýrasy kúndiz +14+16°S bolady. Bul týraly astana.kz saıtyna «Qazgıdromet» RMK habarlady.
Sınoptıkterdiń boljamynsha, kóshpeli bult shyǵady, jaýyn-shashyn jaýmaıdy. Soltústik-shyǵystan 9-14 m/s jyldamdyqpen jel soǵady. 9 maýsymda kún jaýyn-shashynsyz bolady. Jeldiń ekpini 18 m/s jetedi. Kúndiz aýa temperatýrasy +21+23°S kóteriledi, túnde +4+6°S bolady. 10 maýsymda kún aıtarlyqtaı jylynady, synap baǵanasy +26+28°S kórsetedi. Kún ala bultty, ótkinshi jańbyr jaýady, kún kúrkireıdi. Ońtústik-batystan soltústik-batysqa aýysqan 9-14 m/s jyldamdyqpen jel soǵady. Keı jerlerde ekpini 18 m/s jetedi.
