Elordada «Súıemin seni, Astana!» festıvali ótedi
ASTANA. QazAqparat - Balalardy qorǵaý kúni men Elorda kúni qarsańynda Astanada «Súıemin seni, Astana!» dástúrli festıvali ótkiziledi.
«Súıemin seni, Astana!» festıvali kezekti márte qatysýshylar men kelýshilerdi qyzyqty shyǵarmashylyq úderispen qýantpaq. Sharaǵa kelýshiler áleýmettik máni bar «Súıemin seni, týǵan ólkem!» atty plakattar kórmesiniń ashylý rásimin tamashalaıdy. Kórmege «Men osy jerde ómir súremin» atty halyqaralyq baıqaýdyń qazaqstandyq jáne reseılik qatysýshylarynyń úzdik 100 týyndysy qoıylady. Bul týraly QR Tuńǵysh Prezıdentiniń mýzeıinen habarlady dep jazady astana.kz.
Shara sońynda eń úzdik jumystarynyń avtorlaryn marapattaý rásimi ótedi. Shara azamattardy Otanyna adal eńbek etýge, olardyń rýhanı kúshterin qalyptastyrýǵa, jaqyndaryna degen súıispenshilikke tárbıeleýge baǵyttalady. Óıtkeni, balalar elimizdiń de, álemniń de kóp ultty ekendigin jáne ár adam qurmetke, baqytty bolýǵa laıyq ekenin bilýi tıis. Festıval QR Tuńǵysh Prezıdentiniń mýzeıiniń jáne ıÝNESKO balalar kórkemsýret mektep-klýbynyń bastamasymen uıymdastyrylyp otyr. Bul bastamaǵa atalmysh murajaıdyń «Balalyq shaqtaǵy kózqaras» jobasy aıasynda Novosibir qalasynyń «Solıarıs» balalar men jasóspirimder qoǵamdyq uıymy, Reseı mádenıet qorynyń Novosibir fılıaly qoldaý kórsetti. Esterińizge salaıyq, festıval QR Tuńǵysh Prezıdentiniń mýzeıinde 30 mamyr kúni saǵat 11.30-da bastalady.
