Elordada súıek oıý sheberleriniń halyqaralyq festıvali ótip jatyr
ASTANA. KAZINFORM – Astanadaǵy «Rýsskıı dom» úıinde halyqaralyq «Skaz na bıvne mamonta» festıvaliniń saltanatty ashylýy ótti.
Atalǵan is-sharaǵa Qazaqstannan, Qytaıdan jáne Reseıdiń jıyrma óńirinen kelgen eń úzdik súıek oıý sheberleri men qolónershileri qatysty.
Festıvaldi Saha Respýblıkasy (ıAkýtııa) Mádenıet jáne rýhanı damý mınıstri Afanasıı Noev saltanatty túrde ashty. Onyń aıtýynsha, osy sekildi jobalar álemniń túkpir-túkpirindegi adamdardy biriktiredi.
Óńiraralyq yntymaqtastyqtyń odan ári damýyn Reseıdiń Qazaqstandaǵy «Rossotrýdnıchestvo» ókildiginiń basshysy Olga Fılonova da qoldady.
– Bul sharanyń orys úıinde ótýi, biz úshin erekshe qýanysh. Reseı jeri talanttarǵa baı, biraq qazaqstandyq sheberler de tańǵaldyrýda. Sondyqtan úzdik súıek oıý sheberleriniń jumystaryn kórsetip qana qoımaı, tájirıbe almasýy óte mańyzdy. Biz osyndaı jobalardy barynsha qoldaýǵa daıynbyz, - deıdi ol.
Qolóner sharasy Saha Respýblıkasynyń (ıAkýtııa) «Ýýs» halyqtyq qolóner jáne kásipshilik qorynyń bastamasymen jáne Prezıdenttik mádenı bastamalar qorynyń qoldaýymen uıymdastyryldy.
– Bul festıval — ata-babamyzdyń dástúrine degen qurmet. Olardyń altyn qoly súıekti óner týyndysyna aınaldyrǵan. Biz bul dástúrdi jalǵastyryp, sheberler men óner súıer qaýymdy biriktiremiz, - dedi «Ýýs» qorynyń dırektory ıAna Ignateva.
Uıymdastyrýshylardyń aıtýynsha, kórmege kelgen árbir adam súıek oıý sheberligi ónerine, ata-babalar murasyna jaqyndap, qolóner sheberligi sulýlyǵyna tánti bola alady.
Saha, Býrıatııa, Kalmykııa, Tyva respýblıkalarynan, sondaı-aq Túmen, Magadan, ıAroslavl, Máskeý oblystarynan, Chýkotka avtonomdy okrýgi jáne basqa da óńirlerden ákelingen qolóner týyndylaryn 23 naýryzǵa deıin elordadaǵy orys úıinde (Rýsskıı dom) tamashalaýǵa bolady.
Sondaı-aq 21 jáne 22 naýryz kúnderi biregeı eksponattar «EXPO» halyqaralyq kórme ortalyǵynyń pavılonynda da barshaǵa usynylady.