Elordada sút bezi qaterli isigine shaldyqqan áıelderdi qoldaýǵa arnalǵan kórme ashyldy

NUR-SULTAN. QazAqparat – Nur-Sultan qalasynda halyqaralyq «Úmitter legi» (Lenta nadejda) atty sýret óneri kórmesi ashyldy, dep habarlaıdy QazAqparat tilshisi.

Elordadaǵy Beıbitshilik jáne kelisim saraıynda ashylǵan kórmege Qazaqstan, Izraıl jáne Italııa sýretshileriniń 11 avtorlyq kartınasy qoıyldy.

Aıtýly sharany uıymdastyrýdaǵy basty maqsat – áıelder arasynda etek jaıǵan sút bezi qaterli isigi aýrýyna qoǵamnyń nazaryn aýdarý jáne onymen birlesip kúresý.

«Búgingi kórme eki maqsatty kózdeıdi. Alǵashqysy genderlik saıasat taqyrybyna arnalsa, ekinshiden sút bezi qaterli isigi aýrýyna ushyraǵan názik jandardy qoldaý. Bul ıdeıany birqatar otandyq jáne sheteldik sýretshi qoldap otyr. Munda qoıylǵan ár týyndynyń ózindik tarıhy men ereksheligi bar. Al jarny keskindeme, portret. ıAǵnı barlyq jumysta da áıeldiń keskini sýrettelgen. Kórmege kelýshiler osynda qoıylǵan týyndylardy satyp alý múmkindikteri bar», - dedi «KULANSHI» zamanaýı óner ortalyǵynyń dırektory, kórmeni uıymdastyrýshy Leıla Mahat.

«Rýhanı jańǵyrý» baǵdarlamasy aıasynda júzege asyrylǵan kórmege otandyq jáne sheteldik 6 sýretshiniń avtorlyq eńbekteri qoıyldy jáne ol 20 naýryzǵa deıin jalǵasady.