Elordada sýretshi Januzaq Músápirdiń jeke kórmesiniń saltanatty ashylýy bolady
ASTANA. 30 qazan. QazAqparat - Búgin Qazirgi zamanǵy óner murajaıynda sýretshi, QR Sýretshiler odaǵynyń múshesi, QR Kórkemsýret Akademııasynyń akademıgi, QR Jýrnalıster odaǵynyń múshesi Januzaq Músápirdiń «Týǵan jer boıaýlary» («Kraskı rodnogo kraıa») jeke kórmesiniń saltanatty ashylýy jáne «Qara shańyraǵym» atty kitabynyń tusaýkeseri ótedi. Bul týraly murajaıdyń baspasóz qyzmetine silteme jasap astana.kz habarlady.
Kórmege 1985-2013 jyldary salynǵan 30 astam kartına qoıylǵan. Qazaq halqynyń ómiri men turmysy kórsetilgen etnografııalyq sıpattaǵy kartınalar erekshe qyzyǵýshylyq týdyrady: «Meıirim», «Qurt jaıǵan kelinshekter», «Shı», «Kókpar», «Qobyz sarany», «Meshit»; «Ákem» portreti jáne «Avtoportret»; «Shyryn, «Tereze aldyndaǵy gúl», «Qyr gúli» natıýrmorttary. Sonymen qatar, týǵan ólkeniń tabıǵaty, «Kúz», «Balyqshy», «Aral qasireti», «Astyqty alqan», «Munaıly - ólke» jáne basqa da peızajdar.
Januzaq Músápirdiń «Týǵan jer boıaýlary» atty jeke kórmesiniń saltanatty ashylýynda oqyrmandardyń keń aýqymyna arnalǵan «Qara shańyraǵym» kitabynyń tusaýkeseri ótedi. Bul balalar men ata-analardyń arasyndaǵy ózara qarym-qatynas, úlkenderge qurmet kórsetý jáne t.b. tárbıelik manyǵasy mol birneshe urpaqtyń ómiri týraly otbasylyq roman.
Januzaq Músápir Kerimbekuly qalalyq, oblystyq, respýblıkalyq kórmelerge qatysqan, birneshe jeke kórmesin ótkizgen. Onyń kartınalary Astana qalasy Nazarbaev ortalyǵynda, Pavlodar jáne Soltústik Qazaqstan oblystarynyń kórkemóner murajaılarynda, Aqmola oblysy tarıhı-ólketaný murajaıynda (Kókshetaý), Qazaqstan, Reseı, Germanııa, Qytaı, Polsha jáne basqa da elderde jeke kollektsııalarda bar. Sýretshi túrli janrdaǵy júzden astam kartına salǵan.
