Elordada sýretshi Muhtar Baıbosynnyń «Týǵan jerim - altyn besigim» atty jeke kórmesi ashylady

 dep habarlaıdy QazAqparat atalǵan ortalyqtyq baspasóz qyzmetine silteme jasap.

Halqymyzdyń ulttyq dástúri men bet-beınesin aıshyqtaıtyn peızajdar, natıýrmorttar men taqyryptyq kompozıtsııalar oryn alǵan sýretshiniń bul kórmesi Táýelsizdiktiń 18 jyldyǵyna arnalǵan. Atalǵan kórmede qylqalam sheberiniń 40 týyndysy jurtshylyq nazaryna usynylmaq. Onyń ishinde Qazaqstannyń tabıǵaty, salt-dástúri jaıly kórikti oılardy toǵystyrǵan shyǵarmalary bar.

Búgingi tańda Qazaqstannyń murajaı qorlarynda, jeke kollektsııalarda eńbekteri saqtalǵan qylqalam sheberiniń kórmesi qańtardyń 10-yna deıin jalǵasady.

Muhtar  Baıbosyn 1972 jyly Almaty qalasynda dúnıege kelgen. N.Gogol atyndaǵy Almaty kórkemsýret ýchılışesin, Abaı atyndaǵy Qazaq pedagogıkalyq ınstıtýtyn bitirgen. Dıplomdyq jumysyn «Aqan seri - Aqtoqty» taqyrybynda sátti qorǵaǵan. Eńbek jolyn qalalyq kásiporynda sýretshi-bezendirýshi bolyp bastaǵan ol birqatar joǵary oqý oryndarynda pedagogıkalyq qyzmetpen aınalysqan. 2009 jyldan beri elordadaǵy L.Gýmılev atyndaǵy Eýrazııa ulttyq ýnıversıtetiniń dızaın fakýltetinde ustazdyq qyzmet atqarady.  Sondaı-aq №1 Óner mektebinde sýret jáne keskindeme páni boıynsha jas urpaqty ónerge baýlýda.