Elordada sýretshi Q. Asqarovtyń «Jeti qazyna» atty jeke kórmesi ashyldy

Búgin elordadaǵy Beıbitshilik jáne kelisim saraıyna qoıylǵan talantty qylqalam sheberiniń 53-ke tarta týyndylarynyń barlyǵynda táýelsiz memleketimizdiń eljandy azamatynyń, eshkimge uqsamaıtyn syrshyl sýretshiniń el men jer týraly jan tolǵanysy kórinis tapqan. «Shejire» atty qazirgi zamanǵy óner galereıasynyń uıytqy bolýymen ótkizilip otyrǵan kórmeniń negizgi taqyryby aýyl ómiri jáne aýylǵa degen saǵynysh.

«Jeti qazyna» - bul búgingideı aýylǵa bet túzegen zamanda týǵan elin qaster tutatyn kim-kimniń de izgi sezimin oıatatyn, azamattyq namysyn qozǵaıtyn, júrek otymen jazylǵan shymyr shyǵarmalar jıyntyǵy.

«Avtordyń aýylǵa degen qushtarlyǵynan onyń tabıǵatty kórý, túısinýi de eshkimge uqsamaıdy», deıdi kórmeni uıymdastyrýshylar.

Onyń sýretteri sımvoldarǵa toly jáne onyń qandaı maǵyna beretinin joryp -bilý asa qyzyqty. Avtordyń aıtýynsha, jan tolǵanysynan shyqqan sýretterge beriletin baǵany kórermender aýzynan estý de ǵanıbet.

«Ádette kórermender men oılaǵan fálsapadan da tereńirek maǵyna taýyp jatady. Men tek óz ishki sezimimdi, kórgenimdi qaǵazǵa túsiremin», deıdi Q. Asqarov.