Elordada sýretshi Q. Ahmetjannyń «Kóńil aınasy» atty jeke kórmesi ashyldy

 dep habarlaıdy QazAqparat.

           Kórmede qylqalam sheberiniń 1979-2009 jyldary salynǵan 100-den astam týyndylary qoıylǵan. Onda kartınalar, kitap bezendirýdegi grafıkalyq paraqtary jáne dástúrli qazaq qarý-jaraqtarynyń jańǵyrtýlary bar.

           Q. Ahmetjannnyń kórkemsýret sheberligi ózindik daralyqpen erekshelenedi, basqa sýretshilerden aıyryqsha tyń tásil tapqan. Týyndylar tómengi tús qabatynyń ústine bólek tústi daqtardy salý arqyly dúnıege keledi. Bul tásildi sýretshi Q. Ahmetjannyń ózi «Qulpyrǵan kórkemsýret» nemese «Qulpyrǵan jazý» dep ataıdy.

            Bir aıǵa jalǵasatyn kórme sýretshi Qalıolla Ahmetjannyń 60 jasqa tolýyna oraı jáne Qazaqstannyń Táýelsizdik merekesine arnalady.

            Q. Ahmetjan 1977 jyly Sankt-Peterborda KSRO Kórkemsýret akademııasynyń I. Repın atyndaǵy Keskindeme, músin jáne sáýlet óneri ınstıtýtyn bitirgen. Kóptegen qalalyq, respýblıkalyq kórmelerden bólek, Chehoslovakııa, Ońtústik Koreıa, Germanııa, Efıopııa, AQSh, Túrkııa sııaqty shet memleketterdegi kórmelerge qatysty.

            Q.Ahmetjan QR Sýretshiler odaǵynyń múshesi, etnograf, tarıh ǵylymdarynyń kandıdaty, QR Mádenıet qaıratkeri. Onyń týyndylary Á. Qasteev atyndaǵy Memlekettik óner murajaıynyń, QR Ortalyq murajaıynyń, QR Prezıdenttik mádenıet ortalyǵynyń, QR Tuńǵysh Prezıdentiniń jáne Semeıdegi Nevzorovtar atyndaǵy óner murajaılarynyń, Kýtaısıdegi Sýret galereıasynyń (Grýzııa) qorlarynda saqtaýly. Týyndylary Anglııa, Pákistan, Frantsııa, Germanııa, Japonııa, Shvetsııa, AQSh jáne Qazaqstanda jeke kollektsııalarda bar.