Elordada sýretshi Baqytjan Buqarbaıdyń kenshiler kelbetin ashatyn sýretter kórmesi ashyldy (FOTO)

Sýretshi kórmege qoıǵan 12 sýreti arqyly Qazaqstandy túgeldeı derlik jylýmen qamtyp otyrǵan, alaıda, jumystary elenbeı qalyp jatatyn shahterlerdiń aýyr jumysyn ashyp kórsetýge tyrysqan. Kórmege jınalǵan halyqtyń lebizine qarasaq, sýretshi maqsatyna jetken tərizdi. Aıta keteıik, kórme Shubarkól ken ornynyń otyz jyldyǵyna oraılastyrylǵan.

«Búgingi kórmege 12 sýretimdi əkeldim. Kórermender grafıka tehnıkasymen salynǵan jumystardy tamashalaı alady. Bul jumystar kómir qaryndashpen salynǵan. Taqyryby - Shubarkól kómirine arnalǵan. Mamandyǵym sýretshi emes. Men saıasattanýshymyn, bir jaǵynan jýrnalıstıka salasynda da qyzmet etemin»,-degen Baqytjan «sýret salýǵa, əsirese, Shubarkól kómiri týraly sýret salýǵa ne túrtki boldy?» degen suraqqa bylaı dep jaýap berdi:

«Men Almaty qalasynyń turǵynymyn, sol toqsanynshy jyldary turǵan jerimizge gaz tartylmaǵandyqtan, kómir jaqtyq. Sol balalyq shaqtan este qalǵan dúnıe bolý kerek, kómirdiń túri kóp bolsa da, «Shubarkól kómiri» degen ataý əli esimde. Ekinshiden, shyǵarmashylyǵymda eńbek adamyn beınelegim keledi. Biz qarapaıym jumysshynyń eńbegin kúnde baıqaı bermeımiz. Biz jyly jerde jumys isteımiz, qurǵaq jerde otyramyz. Al osy ıgiliktiń barlyǵy eńbek adamdarynyń arqasy, sony esten shyǵarmaý kerek»,-deıdi kórme ıesi.

Jalpy, Baqytjannyń aıtýynsha, birinshi kórmesi byltyr Almaty qalasynda ótken.

«Byltyr Almaty qalasynda ótkizgen tuńǵysh kórmeme maıly boıaýmen salynǵan jıyrma jumysymdy shyǵarǵan edim. Ərıne, kórmege laıyqty degen sýretter bolady jəne sol sııaqty kórmege shyǵara almaıtyn týyndylarym bar. Aıtpaǵym, 20, 12 sýretpen sýretshiniń óneri shektelmeıdi»,-deıdi B.Buqarbaı.

Kórmeni ashý saltanatyna «Shubarkól kómir» AQ basshylary, jýrnalıster men Investıtsııa jəne damý mınıstrliginiń ókilderi qatysty. Kórme 3 jeltoqsanǵa deıin jalǵasady.