Elordada suranysqa ıe jumysshy mamandyqtary anyqtaldy

NUR-SULTAN. QazAqparat - Elordada suranysy eń joǵary 17 jumysshy mamandyǵy anyqtaldy. Bıyl olar boıynsha qysqa merzimdi tegin kýrstar ótedi, dep habarlaıdy QazAqparat tilshisi «Atameken» palatasyna silteme jasap.

2017-2021 jyldarǵa arnalǵan «Eńbek «ónimdi eńbek pen jappaı kásipkerlikti damytý baǵdarlamasy aıasynda eńbek naryǵynda úlken suranysqa ıe mamandyqtardy oqytý «Atameken» UKP janyndaǵy oqý ortalyqtarynda júrgiziledi. Qazirgi ýaqytta bul tizimge 80 oqý ortalyǵy kiredi. Onyń 54-i kásiporyndar, 7-eýi koledjder, 3-eýi qaýymdastyqtar janynda ornalassa, 16-sy derbes jumys isteıdi.

«Elorda ákimdigi janyndaǵy jumyspen qamtý máseleleri jónindegi vedomstvoaralyq komıssııa otyrysynda osy jyly daıyndyq júrgizý josparlanǵan mynadaı suranysqa ıe mamandyqtar kirip otyr: aspaz, kondıter, naýbaıshy, baqylaýshy-kassır, tárbıeshi kómekshisi, tiginshi, shashtaraz, anımatsııa-vıdeografıka, jıhaz jasaýshy, aǵash syrlaý tsehynyń sheberi, elektr-gaz dánekerleýshi, elektr ustasy, gaz qural-jabdyqtaryn qurastyrý jáne jóndeý ustasy, jartylaı avtomattandyrylǵan mashınadaǵy elektr dánekerleýshi, armatýrashy jáne montajdaýshy», - dedi Nur-Sultan qalalyq kásipkerler palatasynyń dırektor Almaty Júnisov.

Onyń atap ótýinshe, 2020 jyly qysqa merzimdi kásiptik oqytý baǵdarlamasymen elordada 200 adam qamtylatyn bolady. Bilim alatyn azamattarǵa memleket tarapynan shákirtaqy túrinde qoldaý kórsetilip, oqýyn aqıataǵannan keıin jańa bıznes-ıdeıasyn júzege asyrý úshin grant beriledi.