Elordada suranysqa ıe mamandyqtar anyqtaldy

NUR-SULTAN. QazAqparat - Elordada qurylys, saýda jáne densaýlyq saqtaý salasyndaǵy mamandyqtarǵa suranys bar, dep habarlaıdy QazAqparat ákimdiktiń saıtyna silteme jasap.

«Elektrondyq eńbek bırjasy» portalynda 700-den astam jumys berýshiniń 6 096 bos jumys orny ornalastyrylǵyn.

Qurylys salasynda jumys berýshiler arasynda suranysqa ıe mamandyqtar – ınjener smetashy, orta býyn basshysy (prorab), sheber, qara jumys isteýshi, tas qalaýshy, armatýrashy, betonshy, ýchaske elektrıgi, óndiris-tehnıka bóliminiń ınjeneri.

Saýda salasy boıynsha myna kadrlardyń tapshylyǵy baıqalady: satýshy, kassır, menedjer, sýpervaızer, merchendaızer, saýda ókili, janarmaı quıýshy.

Densaýlyq saqtaý salasynda dáriger, medbıke, sanıtar mamandyqtary suranysqa ıe.

Jumyspen qamtý ortalyǵynyń dereqorynda jastarǵa arnalǵan – 1 894 bos jumys orny bar. Onyń ishinde 660-synda jumys berýshi jatyn oryn usynady. Bul jerde ásirese qurylys salasyndaǵy bos jumys oryndaryna basym. Jumys kestesin eńbekker ózi tańdaıtyn 38 bos jumys orny bar.

Sondaı-aq, elordalyq Jumyspen qamtý ortalyǵy Jumyspen qamtýdyń jol kartasy jáne «Jastar tájirıbesi», «Qoǵamdyq jumystar» baǵdarlamalary aıasynda bos jumys oryndaryn usynady. Bos jumys oryndarynyń tizimi ortalyqtyń saıtynda jarııalanǵan.

Jumyspen qamtýdyń jol kartasy boıynsha bos jumys oryndary myna siltemede .

Jumyspen qamtýdyń Jol kartasy boıynsha eń qajetti bos jumys oryndary: jumysshy, jol jumysshysy, júk kóliginiń júrgizýshisi, montajshy, kógaldandyrý boıynsha jumysshy.

Jastar tájirıbesi boıynsha bos jumys oryndary myna siltemede .