Elordada «Super bol 1-ge 1» fýtbol týrnıriniń jeńimpazy anyqtaldy

ASTANA. QazAqparat - Astanada fýtboldan «Super bol 1-ge 1» týrnıri ótti, dep habarlaıdy QazAqparat.

Týrnırge sportshylar, shoýmen jáne qoǵamdyq pikir kóshbasshylary qatysty. 32 qatysýshy fýtboldyń túrli tehnıkalaryn kórsetip, 5-4 metrlik shaǵyn alańda óz baqtaryn synady.

Olardyń arasynda Gınnes kitabynyń rekordshysy Sergeı Tsyrýlnıkov, akter jáne prodıýser Rústem Omarov, shoýmen jáne ázilkesh Danııar Jumadilov jáne basqa da tanymal tulǵalar bar.

Kórermender onlaın jáne oflaın formatta 31 oıyn túrin kórdi. Árqaısysy 4 mınýttyq tartysty shaıqas turaqty qozǵalysqa, fıntke, soqqylarǵa jáne árıne, goldarǵa toly boldy.

Alaıda Freedom Broker kompanııasynyń ókili Abzal Asqarov qarsylastarynan kósh ilgeri boldy. Ol týrnırdiń sýper júldesi – Ystanbuldaǵy UEFA Chempıondar lıgasynyń 2023 fınalyna joldamany utyp aldy.