Elordada «Súndet-2019» aktsııasy jarııalandy
NUR-SULTAN. QazAqparat - Elordalyq aýrýhanalar men emhanalarda balalardy aqysyz túrde súndetteý boıynsha «Súndet-2019» qaıyrymdylyq aktsııasy ótedi, dep habarlaıdy QazAqparat qala ákimdiginiń saıtyna silteme jasap.
«Ádette atalmysh qyzmet túri medıtsınalyq uıymdarda aqyly negizde kórsetiledi. Onyń quny orta eseppen 25 myń teńgeni quraıdy. Aktsııany uıymdastyrýshylardyń pikirinshe, ol kópbalaly otbasylar men az qamtylǵan otbasylarǵa qosymsha kómek bolmaq. Elordalyq Qoǵamdyq densaýlyq saqtaý basqarmasy qalanyń 4 aýdanynda kópbalaly jáne az qamtylǵan otbasylardan shyqqan balalarǵa «tsırkýmtsızııa» (súndetteý) boıynsha tegin medıtsınalyq qyzmet kórsetý úshin 4 medıtsınalyq uıym belgiledi», - delingen baspasóz aqparatynda.
Barlyq medıtsınalyq uıymdarda 2-5 operatsııa jasaý qarastyrylǵan. Ol úshin hırýrgtar men ýrologtardyń brıgadasy jumyldyrylady.
«Árbir medıtsınalyq mekemede operatsııany bir ýaqytta bes hırýrg júrgizetin bolady. Operatsııalar aǵymdaǵy jyldyń 7-8 maýsymynda saǵat 09.00-den 17.00-ge deıin josparlanǵan. Uıymdastyrýshylardyń aıtýynsha, operatsııa júrgizýden bólek balalarǵa estelik syılyqtar daıyndalǵan. «Súndet-2019» aktsııasyna qatysý úshin ótinimderdi aýdandyq ákimdikter 2019 jyldyń 31 mamyrynan 6 maýsymyna deıin qabyldaıdy. Ótinimdi berý jáne tizimge engizý úshin kelesi nómirler boıynsha habarlasý qajet: 36-11-26 («Almaty» aýdany), 55-73-77 («Baıqońyr» aýdany), 55-72-93 («Esil» aýdany), 55-74-79 («Saryarqa» aýdany)», - dedi ákimdikten.
