Elordada sýǵa túsetin oryndar sany artady
«Elordada shomylý maýsymy bastalǵaly 660-tan astam reıd uıymdastyrylyp, halyq arasynda túsindirý jumysy júrgizildi. Sondaı-aq, 12 800-den astam jadynama taratyldy. Búginde bas qalada jalpy sany 1 514 qutqarýshy bar, onyń ishinde 80-i sýdan qutqarýshy maman, bul Nur-Sultan qalasy úshin jetkilikti. Sebebi adamnyń sýǵa ketý qaýipsizdigin qamtamasyz etý ol qutqarýshy sanyn arttyrýmen ǵana sheshilmeıdi. Bul jerde mamannan bólek halyq arasynda túsindirý jumysyna asa mán bergen jón. Al jeke menshik sýǵa shomylý jaǵajaılary qaýipsizdik úshin ózderi jaýapty», -dedi B. Syzdyqov.
Onyń aıtýynsha, qalada 20-dan astam sýǵa túsý orny bar.
«Elorda aýmaǵynda 23 sýǵa túsý orny bar, onyń 3-niń ǵana arnaıy ruqsaty bar, qalǵan 20-na tyıym salynǵan. Osy 20 tyıym salynǵan sý túsý ornynan 7-in pılottyq joba retinde qolǵa alyp, onda adamdardyń shomylý múmkindigin qarastyrýdamyz. Eger qaýipsizdik tolyq saqtalsa kelesi jyly sýǵa túsý oryndary arta túsedi degen sóz. Adamdardyń qaýipsizdigin qamtamasyz etý bizdiń basty mindet. Osy oraıda qutqarýshy mamandar eńbeginiń nátıjesinde, adamdardyń sýǵa ketip ólý jaǵdaıy 28%-ǵa azaıdy. ıAǵnı jaz boıy Nur-Sultan qalasynda 5 sýǵa ketý jaǵdaıy tirkeldi, barlyǵyda eresekter. Al balalar arasynda birde -bir sýǵa ketý jaǵdaıy tirkelgen joq», - deıdi ol.
TJD basshysynyń málimdeýinshe, adamdardyń sýǵa ketý jaǵdaıynyń úsh negizgi saldary bar. Ol ruqsat etilmegen jerde shomylý, mas kúıinde sýǵa túsý jáne balalar men jasóspirimderdi qaraýsyz qaldyrý.
«Bıyl ortaq sýdy paıdalaný qaǵıdalaryn buzý áreketi byltyrǵa qaraǵanda 3 esege kóbeıip otyr. Osy oraıda bıyl 114 adamǵa ákimshilik shara qoldanyldy. Taǵy bir aıtyp ótetin másele, eger sý jaǵalaýynda qaýipsizdikti qamtamasyz etemiz desek, ol jerde qutqarýshy mamannan bólek, tártip saqshysy jáne mindetti túrde dárigerdiń bolýy qajet», - dedi departament basshysy.