Elordada sýǵa ketken eki adam qutqaryldy
NUR-SULTAN. QazAqparat – Keshe elordadaǵy Gaz apparatýrasy aýdanynda ornalasqan quıylma bógette er adam qutqaryldy, dep habarlaıdy QazAqparat qalalyq tótenshe jaǵdaılar departamentine silteme jasap.
Kezekshilik kezinde oqıǵa kýágeri bir adamnyń sýǵa batyp bara jatqanyn habarlaǵan. Qutqarýshylar tez arada kómekke umtyldy.
«Qutqarýshy Danaı Jalǵas ózenge sheńberdi laqtyryp, Máýlen Omarov sýǵa aqqan adamnyń izinen sekirdi. Biraq kúshti aǵyn ıirimge tartyp ákete bergendikten jaǵaǵa shyǵý múmkin bolmady. Osy kezde Azamat Jumabaev pen Serikbaı Qýanǵan ózenge qaıyqty túsirip, sonyń arqasynda sýǵa batqan adam qutqaryldy» delingen habarlamada.
Aıta keteıik, mundaı keleńsiz jaǵdaılar bul ǵana emes. 15 shildede er adam ózine qol jumsaý úshin «Tulpar» kópirinen Esilge sekirgen bolatyn. Qutqarýshylar ony da jedel túrde jaǵaǵa alyp shyqty.
