Elordada sý tasýy múmkin ýchaskeler ataldy
NUR-SULTAN. QazAqparat – Іshki ister mınıstriniń orynbasary ıÝrıı Ilın elordadaǵy sý tasýy múmkin ýchaskelerdi atady, dep habarlaıdy QazAqparat tilshisi.
«Bizdiń bárimiz de Nur-Sultan qalasynyń turǵynymyz. Bıyl qalaǵa qardyń qalaı jaýǵanyn kórip otyrmyz. Qazgıdromettiń málimetine súıensek qar ádettegi qalyptan eki jarym ese artyq túsken. Qazirgi tańda kósheler men turǵyn úı aýlasyndaǵy qardy syrtqa shyǵarý jumysy qyzý júrip jatyr. Qaladaǵy árbir turǵyn qar shyǵarý jumysynyń belsendi túrde júrgizilgenin qalaıdy. Kóktem kelip qaldy», - dedi ıÝrıı Ilın Úkimettiń baspasóz ortalyǵynda ótken baspasóz máslıhatynda.
Mınıstrdiń orynbasary ákimdiktiń osy máselege qatysty boljam jasaǵanyn da aıtyp ótti.
«Kóshelerdiń jartysyn buryn da sý alyp ketken. Ákimdik qazir kúrdeli boljam jasap otyr. Ózenniń tómengi bóliginde, qala syrtyndaǵy saıajaı ýchaskelerin sý alýy yqtımal. Sonymen qatar káriz júıesindegi máseleni sheshe almaı jatqan B.Momyshuly kóshesinde, Turan dańǵyly boıynda qaýip bar. Álbette TJK tarapynan qıyndyqtardy eńserýge barlyq kúsh jumyldyrylady», - dedi ol.
ıÝrıı Ilınniń aıtýynsha, Sý resýrstary boıynsha komıtet Nura ózeni baǵytyndaǵy kontregýlıatordan qashyrtqy arna qurylysynyń jobasyn usynǵan.
«Nur-Sultandaǵy ýchaskeler aıqyndaldy. Ákimdik ázirge sý tasýy múmkin aýmaqta turatyn halyqqa túsindirý jumysyn barynsha júrgizýde. Qajet bolǵan jaǵdaıda evakýatsııa jasaımyz», - dedi Іshki ister mınıstriniń orynbasary.
