Elordada sý tasqynyna qarsy shtab quryldy
NUR-SULTAN. QazAqparat – Qala ishinen 2,5 mln tekshe metr qar shyǵaryldy. Bul týraly Nur-Sultan qalasy ákimi Altaı Kólginov halyqqa esep berý kezdesýinde aıtty, dep habarlaıdy QazAqparat tilshisi.
«Birinshiden, shyn máninde qalada qar mólsheri óte kóp. Kommýnaldyq qyzmetke alǵys aıtqym keledi. Olar kúni-túni sizder úshin jumys isteıdi. Bıyl ádettegiden 3,5 ese kóp qar tústi. 2,5 mln tekshe metr qardy shyǵardyq. Qazirgi ýaqytta joldar taza, endi úılerdiń aýlalary men jeke sektorlardy qardan tazalaımyz», - deıdi Altaı Kólginov.
Ol qazirgi ýaqytta tasqynǵa qarsy shtab qurylǵanyn aıtty.
«Biz barlyq qyzmet túrin kúsheıtip, qosymsha tehnıkalardy aldyq. Qutqarý qyzmeti myńdaǵan adamdy qutqardy. Tipti áskerı qyzmetkerler men polıtsııa qyzmetkerleri qutqarý jumystaryna qosyldy. Endigi mindet – tasqyn bolýyna jol bermeý. Tasqyn bolý qaýpi bar. Osy qaýipti azaıtý maqsatynda erteń áýejaı jaqtaǵy dambyǵa baramyz. Jeke sektorlardaǵy qardy naýryz aıyna deıin shyǵarýymyz kerek», - deıdi ol.
