Elordada sý tasqyny jaǵdaıy turaqty
ASTANA. QazAqparat - Astana qalasy Kommýnaldyq sharýashylyq basqarmasynyń sý tasqynyna qarsy áreket etý boıynsha ázirlegen arnaıy keshendi josparǵa sáıkes búgingi tańda tıisti jumys toby sharalar qoldanýda, dep jazady elorda ákimdiginiń resmı saıty.
Buryn habarlanǵandaı, qalada barlyq kósheler, mektep aýlalary, densaýlyq saqtaý nysandary qardan tolyq tazartyldy.
Merdigerlik uıymdar qala aýmaǵyn udaıy baqylaýda, aýdandyq ákimdikterde shuǵyl jeli telefondary jumys isteıdi.
Sý tasqyny kezeńinen bastap qalada 250 930 m3 erigen qar sýy soryldy, onyń ishinde 28 237 m3 bir táýlik ishinde ǵana. 6 690 m3 ınertti materıaldar daıyndaldy. 4 034 dana tehnıka sý tasqynyna qarsy jumystarǵa tartyldy, bir táýlik ishinde 443 ótinish qabyldanyp, barlyǵyna tıisti sharalar qoldanyldy. Barlyǵy elorda jáne jaqyn mańdaǵy eldi-meken turǵyndarynan 4541 telefon qońyraýy kelip tústi, sońǵy táýlik ishinde bul kórsetkish 635 qurady.
Astananyń aýdan turǵyndarynan 242 qońyraý kelip túsken, sonyń ishinde «Almaty» aýdanynda - 46, «Saryarqa» aýdanynda - 174, «Esil aýdanynda» - 22. Ótinimderdiń 100% qabyldanyp, óńdeldi.
Esil ózeni bógetindegi sý deńgeıi 160 mln m3, al jobalyq kólemi 450 mln m3 quraıdy.
Astana qalasy TJD habarlaýynsha, 20 sáýirdegi jaǵdaı boıynsha, elordadaǵy sý tasqyny jaǵdaıy turaqty. Astana sý qoımaısyndaǵy sý kólemi - 397 mln m3 . Sońǵy bir táýlik ishindegi quıylǵan sý kólemi - 10 mln m3.
