Elordada sý dobynan jasóspirimder arasynda Qazaqstan chempıonaty ótýde
ASTANA. 6 mamyr. QazAqparat - Astanada 1998-1999 jyldary týǵan jasóspirimder arasynda sý dobynan Qazaqstan chempıonatynyń fınaly jáne 2000-2001 jyldary týǵan jasóspirimder arasynda sý dobynan Qazaqstan chempıonatynyń birinshi kezeńi ótýde.
Jetkinshek qatysýshylar arasyndyǵy ulttyq birinshilik «Qazaqstan» sport saraıy basseıninde ótip jatyr.
«1998-1999 jyldary týǵan jasóspirimder arasynda sý dobynan Qazaqstan chempıonatynyń V týry men fınalyna 7 komanda, 2000-2001 jyldary týǵan jasóspirimder arasynda sý dobynan Qazaqstan chempıonatynyń birinshi kezeńine 8 komanda qatysýda. Astana quramasy birinshilikke 3 komanda usynǵan. Byltyr 1998 jyly týǵan jasóspirimder arasyndaǵy chempıonatty Astana quramasy jeńgen bolatyn. Ulttyq birinshilik kezeńderiniń qorytyndysy boıynsha elordalyq jasóspirimder upaı sanymen Almaty jáne Qaraǵandy komandalarymen birge keledi. Bıyl bul tıtýldy qorǵap qalýymyz kerek», - deıdi Astana qalasynyń sý dobynan bas jattyqtyrýshy Ádil Temirhanov.
El chempıonatynyń aqtyq syny 12 mamyrǵa deıin jalǵasady.
