Elordada sý basý qaýpi bar 29 ýchaske bar
NUR-SULTAN. QazAqparat – Elordada sý basý qaýpi bar 29 ýchaske bar. Bul týraly Nur-Sultan qalalyq TJD Tótenshe jaǵdaılardyń aldyn alý basqarmasynyń bastyǵy Baýyrjan Beısenqanov aıtty, dep habarlaıdy QazAqparat tilshisi.
«Qazgıdromedtiń boljamyna sáıkes, naýryzdyń úshinshi toqsanynda aýa raıy qubylmaly, qarly, jaýyn-shashyndy, burqasyndy bolyp keledi. Demalystan keıin kún jylynyp, jaýyn-shashyn bolýy yqtımaldyǵy joǵary. Qazgıdromet pen TJD-nyń birlesken buıryǵymen jospar bekitilgen. Atalǵan qujatqa sáıkes aqpan jáne naýryz aıynda Nur-Sultan qalasynyń tóńireginde, 150 shaqyrymdy radıýsta qardyń ylǵaldylyǵyn, topyraqtyń qatýyn tekserý jumystary júrip jatyr.Aqpannyń 22-26 kúnderinde júrgizilgen jumystyń nátıjesinde topyraqtyń qatýy
Onyń atap ótýinshe, dál osyndaı jumys naýryzdyń 25-26 kúnderi júrgiziledi.
«2020 jyldyń sońynda elorda aýmaǵynda sý basý qaýpi bar 29 ýchaske belgilengen. Al, 2019, 2020 jyldary sý basý qaýpi bar ýchaskelerdiń sany 37-i edi. Demek, toqtaýsyz atqarylǵan jumystarymyzdyń arqasynda mundaı ýchaskelerdiń sany 8-ge azaıdy. Qazirgi ýaqytta atalǵan sý basý qaýpi bar ýchaskelerde qar shyǵarý, sý aǵatyn aryqtardy tazalaý jumystary qarqyndy júrgizilip jatyr. Jalpy, búgingi kúnge deıin qala aýmaǵynan 1 mln 400 myń tekshe metrge jýyq qar shyǵaryldy. 11 qar shyǵaratyn polıgon bar, olardyń eshqaısysy tolǵan joq. Byltyr osy ýaqytta qala boıynsha 6 mln tekshe metr qar shyǵarylǵan edi», - dedi Baýyrjan Beısenqanov.
