Elordada sý basqan úıdiń balalary terezeden sekirmek boldy
NUR-SULTAN. QazAqparat – Elordada sý basqan úıdiń balalary terezeden sekirmek boldy. Olardy tótenshe jaǵdaı mamandary qutqardy, dep habarlaıdy QazAqparat.
«12 qazan kúni saǵat 13:28-de Ýálıhanov kóshesinde ornalasqan úıde ata-ana qaraýynsyz qalǵan 2011 jáne 2015 jyly týǵan balalar jýynatyn bólmede sý qubyrynyń shúmegin julyp alǵan. Saldarynan páterdi sý basqan. Qoryqqan balalar úıdiń terezesinen sekirmek bolǵan. Oqıǵa ornyna Tótenshe jaǵdaılar departamentiniń shuǵyl qutqarý jasaǵy jetip, balalardy aman alyp qaldy. Jáne balalar polıtsııa qyzmetkerlerine tapsyryldy» - dep málim etti qalalyq Tótenshe jaǵdaılar departamentinen.
Shuǵyl qutqarý jumysyna jeke quramnyń 4 mamany men 1 tehnıka jumyldyryldy.
Qalalyq Tótenshe jaǵdaılar departamenti ata-analardan balalardy qaraýsyz qaldyrmaýdy suraıdy.
