Elordada stýdenttiń BMV -H6 kóligin urlaǵan kúdiktiler quryqtaldy

Bul týraly QazAqparat tilshisine Astana qalalyq ІІD memlekettik til jáne aqparat bóliminiń bastyǵy Nurdildá Oraz málim etti.

Onyń atap ótýinshe, 28 qazanda túngi saǵat ekiler shamasynda Astana qalalyq ІІD Ortalyq jedel basqarmasyna elordadaǵy JOO-lardyń biriniń stýdenti, 1989 jylǵy «I» esimdi azamatshadan Jeltoqsan kóshesinde ornalasqan úıine kireberiste belgisiz 2 azamattyń kúsh qoldanyp, BMV -H6 kóligin jáne uıaly telefonyn tartyp alǵandyǵy jaıynda aqparat túsken.

«Zardap shegýshiniń aıtýynsha, ol úıine shamamen túngi 01,50-de kelgen. Kóligin avtoturaqqa qoıyp, úıine kireberiste jelke tusyna tıgen soqqydan esinen tanyp qulaǵan. Esin jıǵan kezde kóligin urlap bara jatqan shamamen 23-28 jastaǵy 2 azamatty baıqaǵan. Osydan keıin úıine kirgen ol jedel polıtsııaǵa habar bergen», - dedi N.Oraz.

Qazirgi ýaqytta atalǵan qylmysqa qatysy bar bar kúdiktiler ustalyp, Astana qalalyq ІІD ýaqytsha oqshaýlaý ornyna qamaldy.